ព្រះរាជាណាចក្រកម្ពុជា រឺ
កម្ពុជា គឺជាប្រទេសមួយស្ថិតនៅផ្នែកខាងត្បូងនៃទៀបកោះឥណ្ឌូចិន រឺ ឧបទ្វីប
ឥណ្ឌូចិននៅ
អាស៊ីអាគ្នេយ៍។ ជាមួយផ្ទៃដីសរុបរួម ១៨១ ០៣៥ សហាតិមាត្រការ៉េ (គីឡូម៉ែត្រការ៉េ) ប្រទេសនេះមានព្រំដែនជាប់
ថៃនៅខាងលិចឆៀងខាងជើង
លាវខាងកើតឆៀងខាងជើង
វៀតណាមនៅខាងកើត និង
ឈូងសមុទ្រថៃនៅខាងលិចឆៀងខាងត្បូង។
មានប្រជាជនជាង ១៤,៨ លាននាក់ កម្ពុជាគឺជា
ប្រទេសដែលមានប្រជាជនច្រើនបំផុតទី៧០ក្នុងពិភពលោក។ សាសនាផ្លូវការគឺ
ព្រះពុទ្ធសាសនាថេរវាទ ដែលត្រូវបានកាន់ដោយប្រជាជនកម្ពុជាប្រហែល ៩៥% ។ ក្រុមជនជាតិភាគតិចនៃប្រទេសនេះរួមមាន
វៀតណាម ចិនហាន ចាម និង
កុលសម្ព័ន្ធភ្នំ ៣០ ផ្សេងៗទៀត។ រាជធានីនិងទីក្រុងធំបំផុតគឺ
ភ្នំពេញ ជាមជ្ឈមណ្ឌលនយោបាយ សេដ្ឋកិច្ច និងវប្បធម៌នៃកម្ពុជា។ ព្រះរាជាណាចក្រនេះកាន់របប
រាជាធិបតេយ្យអាស្រ័យរដ្ឋធម្មនុញ្ញដែលមានព្រះបាទ
នរោត្តម សីហមុនី ជាក្សត្រមួយអង្គដែលបានជ្រើសតាំងដោយ
ក្រុមប្រឹក្សារាជបល្ល័ង្ក ជា
ប្រមុខរដ្ឋ។ ប្រមុខរដ្ឋាភិបាលគឺ
ហ៊ុន សែន ដែលលោកថ្មីៗនេះគឺជា
មេដឹកនាំដែលបម្រើការយូរបំផុត នៅអាស៊ីអាគ្នេយ៍និងបានដឹកនាំកម្ពុជាអស់រយៈពេលជាង២៥ឆ្នាំហើយ។
ឈ្មោះបុរាណរបស់កម្ពុជាគឺ "កម្ពុជៈ" នៅឆ្នាំ៨០២នៃគ.ស. ព្រះបាទ
ជ័យវរ្ម័នទី២បានប្រកាសព្រះអង្គឯងជាព្រះមហាក្សត្រ ដែលសម្គាល់នូវការចាប់ផ្ដើមនៃ
អធិរាជាណាចក្រខ្មែរ
ដែលបានរុងរឿងអស់រយៈពេលជាង៦០០ឆ្នាំ
និងអនុញ្ញាតឱ្យព្រះមហាក្សត្រសោយរាជ្យបន្តបន្ទាប់ត្រួតត្រាភាគ
ច្រើននៃអាស៊ីអាគ្នេយ៍ និងប្រមែប្រមូលអំណាច
ព្រមទាំងភោគទ្រព្យដ៏ច្រើនលើសលប់។ ព្រះ
រាជាណាចក្រឥណ្ឌានីយកម្មនេះបានសាងប្រាសាទបូជនីយដ្ឋាននានា ដូចជា
អង្គរវត្ត និងបានសម្រួលដល់ការផ្សព្វផ្សាយ
ព្រហ្មញ្ញសាសនា ក្រោយមក
ព្រះពុទ្ធសាសនានៅអាស៊ីអាគ្នេយ៍ភាគច្រើន។ បន្ទាប់ពីការធ្លាក់ចុះ
អង្គរទៅ
អយុធ្យា
នៅសតវត្សទី១៥
កម្ពុជាបានប្រែក្លាយជាប្រទេសចំណុះមួយនៅចន្លោះប្រទេសជិតខាងរបស់
ខ្លួនរហូតដល់ប្រទេសត្រូវបានធ្វើអាណានិគមកិច្ចដោយពួកបារាំងនៅ
ពាក់កណ្ដាលសតវត្សទី១៩។
កម្ពុជាទទួលបានឯករាជ្យពីបារាំងមកវិញនៅឆ្នាំ១៩៥៣។
រហូតមកដល់បច្ចុប្បន្ននេះកម្ពុជាមានការរីកចម្រើនយ៉ាងខ្លាំងដែលមានដូចជាៈវិស័យទេសចរណ៏ វិស័យវប្បធម៏ វិស័យពុទ្ធចក្រនិងអាណាចក្រ ព្រមទាំងមានវិស័យជាច្រើនទៀតផងដែរ។